वाट अजून दूर आहे... तू मला थोडा वेळ दे...!!!

वाट अजून दूर आहे
तू मला थोडा वेळ दे...!
आई तूझा ध्यास आहे
मला तू साथ दे...!

अंतर ते कापताना
हाताला आधार तूच दे...!
अंतर खूप जास्त आहे
दमलेल्या पायाला श्वास दे...!

प्रत्येक पावलावर धडपडताना
उठण्याची जाण तूच दे...!
अडचणीत तुझ्या उपदेशावर
जगायचे मला भान दे...!

वाटेवरच्या अडचणींसाठी
कल्पचित्र काढून दे...!
मृगजळासारखे भासणारे
भास ते जाणून दे...!

पायवाटेवर अडताना
मना तुझा आधार दे...!
रुतलेला काटा काढण्यासाठी
तू मला ध्यास दे...!

अंधाराचे सावट येताना
प्रकाशाचा किरण तूच दे...!
थकलेले पायांना
मनाची उभारी तूच दे...!

उंच शिखरावरी असताना
कौतुकाची थाप तूच दे...!
पाय जमिनीवर राहण्यासाठी
शब्दांचा मार तूच दे...!

जाउ नकोस दूर तू
मला आयुष्यभर साथ दे...!
माझ्यासवे राहण्यासाठी
माझ्या आयुष्यभर साथ दे...

© ओंकार शिंदे
१३ फेब्रुवारी २०१५