नव्या आयुष्यासवे नवे स्वप्न ते बघती...!!!

वादळाच्या वाय्रासवे झाडाची पालवी विखुरती
मनातील आसवासवे भावना मनी जडती

वाय्राच्या भितीसवे पक्षी बिलगून बैसती
ओठ शांत तरी शब्द मना द्वंद्व करती

झाडाच्या पालवासवे घरटे खाली पडती
डोळ्यातील पाण्यासवे पिल्ले घरटे बघती

वाय्राच्या स्पर्शासवे पिल्ले थरथर कापती
मायेच्या आशासवे प्रेमाचा गोडवा शोधती

पावसाच्या थेंबासवे पिल्ले चिंब भिजती
पावसाच्या थांबण्यासवे पिल्ले किलबिल करती

तुटलेल्या घरट्यासवे स्वप्ने तुटलेली दिसती
राहिलेल्या स्वप्नासवे नवा आसरा शोधती

तुटलेल्या स्वप्नांसवे ते आठवणींना सोडती
इंद्रधनुष्याच्या रंगासवे नव्या दिशा ते शोधती

नव्या आसवासवे ते नव्या वाटा शोधती
नव्या भरारीसवे ते नवे क्षितिजे गाठती

नव्या आयुष्यासवे नवे स्वप्न ते बघती...


© ओंकार शिंदे
१७ जानेवारी २०१४

यात थोडं Confusion आहे....!!!

मला प्रेम महत्वाच आहे. 

तिला तीचं Aim महत्वाच आहे. 

स्वप्नातला रस्ता तिचा आहे,

पायवाटवर मी एकटाच आहे 

प्रेम आणि Aim यात काय महत्वाच आहे ?

यात थोडं  Confusion आहे. 

तरी तिच्यासाठी ओढ आहे ,

तिच्या येण्याची आस आहे.   

तिचे माझ्यावर प्रेम आहे ,

तरी इतरांसाठी तिचा त्याग आहे. 

नक्की ओढ आहे का प्रेम आहे ?

यात थोडं Confusion आहे. 

तिच्या स्वप्नात मीच आहे, 

तरी अस्तित्वातला मी नको आहे. 

आयुष्य माझ्याबरोबर जगायचय,

तरी स्वप्नातच तिला राहायचं आहे. 

नक्की आयुष्य कि स्वप्न जगायचय ?

यात थोडं Confusion आहे. 

तिचं माझ्यावर प्रेम आहे. 

पण मनातच फ़क्त हो आहे. 

ओठांवर सांगता येत नाही,

पण डोळ्यातून कळतं कि मी तिचा आहे

मला मनात का ओठी आणायच ? 

यात थोडं  Confusion आहे. 

मला आयुष्य जगायचं आहे 

तिला स्वप्नातच रहायचं  आहे .

स्वप्नी राहून सुद्धा , 

प्रेम माझ्यावरच करायच आहे. 

स्वप्नी जगण्यापेक्षा आयुष्य का नाही जगावं ?

यात थोडं  Confusion आहे. 

© ओंकार शिंदे 

३ जानेवारी २०१५