अन्विता कधी वाटतं
तुझ्यासारखं जगावं
मनसोक्त हसावं
कधीतरी रडावं
अन्विता कधी वाटतं
वाटेल तेव्हा चालावं
पाय दमल्या दमल्या
कोणी कडेवर तरी घ्यावं
अन्विता कधी वाटतं
उशिरा उठावं
हव तेव्हा झोपावं
हवं तेव्हा उठावं
अन्विता कधी वाटतं
मनापासून रडावं
जवळ घेऊन
पापे घेणारं कोणी असावं
अन्विता कधी वाटतं
हवं तेवढं चुकावं
चुकांकडे लक्ष न देता
कोणीतरी शिकवावं
अन्विता कधी वाटतं
निरागस असावं
आयुष्याचं गूढ
एका हसण्यात दिसावं
अन्विता कधी वाटतं
तूझ्यासारखं लहानच असावं
तुलाच बघताना
आम्ही लहानपण जगावं
© ओंकार शिंदे
१ फेब्रुवारी २०१८
